काठमाडौं । नेपाल स्टक एक्सचेन्ज (नेप्से)मा दुई कम्पनीको ३२ लाख बढी कित्ता शेयर थपिएको छ।
नेप्सेमा युनिभर्सल पावर कम्पनी र छिमेक लघुवित्त वित्तीय संस्थाको कुल ३२ लाख १३ हजार ५००.२५ कित्ता बोनस शेयर थपिएको हो। जसमा युनिभर्सल पावरको १७ लाख ९५ हजार ७९९.२५ कित्ता र छिमेक लघुवित्तको १४ लाख १७ हजार ७०१ कित्ता रहेको छ।
यी दुवै लघुवित्त अघिल्लो आर्थिक वर्षमा शेयरधनीहरुलाई वितरण गरेको बोनस शेयर आज नेप्सेमा सूचीकृत भएको छ। अघिल्लो आर्थिक वर्षमा युनिभर्सल पावरले ८.५५ प्रतिशत र छिमेक लघुवित्तले ५ प्रतिशत बोनस शेयर वितरण गरेका थिए।
