काठमाडौं । नेपाल स्टक एक्सचेन्ज ‘नेप्से’को प्रमुख कार्यकारी अधिकृतमा कृष्णबहादुर कार्की नियुक्त भएका छन् । माघ १७ गते बसेको मन्त्रिपरिषदको बैठकले कार्कीलाई आगामी चार वर्षका लागि प्रमुख कार्यकारी अधिकृतमा नियुक्ति गर्ने निर्णय गरेको हो ।
छनोट तथा सिफारिसले पहिलो चरणमा छनोटमा परेका ५ जनामध्येबाट तीन जनालाई प्रमुख कार्यकारी अधिकृतका लागि नेपाल सरकार समक्ष सिफारिस गरेको थियो । कार्की सहित केशवप्रसाद श्रेष्ठ र रमेशकुमार भण्डारी थिए ।
नेप्सेका निवर्तमान प्रमुख कार्यकारी अधिकृत चन्द्र सिंह साउले भदौ ८ गते राजिनामा दिए सँगै नेप्से प्रमुख कार्यकारी बिहिन थियो । सर्वोत्तम सिमेन्टको भित्रि कारोबारमा संलग्न भएको खुलासा भए पछि साउदले राजिनामा दिएका थिए ।
