काठमाडौं । नेपाल ब्रोडकास्टीङ्ग च्यानल लिमिटेडले सर्वसाधारणका लागि आइपीओ निष्काशन गर्ने भएको छ । कम्पनीको पुस १४ गते बसेको सञ्चालक समितिको बैठकले कम्पनीको रजिष्टर्ड कार्यालय, काठमाडौंमा विहान १० बजे सभा गर्ने निर्णय गरेको हो ।
सभाले आइपीओ निष्काशन गर्ने विशेष प्रस्ताव पारित गर्नुका साथै गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणलाई पारित गर्नेछ । साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।
सभाले कम्पनीको अधिकृत तथा जारी पूँजी बृद्धि गरी प्रबन्धपत्रको दफा ६ संशोधन गर्ने प्रस्ताव पारित गर्नेछ । शेयरको अंकित मुल्यमा संशोधन गर्नका लागि प्रबन्धपत्र तथा नियमावलीमा आवश्यक संशोधन गर्ने प्रस्ताव पारित गर्नेछ ।
