काठमाडौं । नेपाल इन्भेस्टमेन्ट मेगा बैंकले पायो ४ अर्ब रुपैयाँ बढीको ऋणपत्र निष्कासन गर्ने अनुमति पाएको छ।
नेपाल धितोपत्र बोर्डले नेपाल इन्भेस्टमेनट मेगा बैंकलाई ४ अर्ब ४ करोड रुपैयाँबराबरको ऋणपत्र निष्कासनको अनुमति दिएको हो। अब बैंकले प्रतिइकाइ १ हजार अंकित दरका कुल ४० लाख ४० हजार इकाइ भएको ‘एनआईएमबी डिबेन्चर २०९०’ नामक ऋणपत्र जारी गर्नेछ।
बैंकले कुल इकाइमध्ये २४ लाख २४ हजार इकाइ व्यक्तिगत तबरबाट बिक्री गर्नेछ भने बाँकी १६ लाख १६ हजार इकाइ सर्वसाधारणका लागि जारी गर्नेछ।
यो १० वर्षे अवधिको ऋणपत्र हो। यसमा लगानीकर्ताले वार्षिक १० प्रतिशत ब्याज पाउनेछन्।
नेपाल इन्भेस्टमेन्ट मेगा बैंकको यो ऋणपत्रको बिक्री प्रबन्धकमा प्रभु क्यापिटल रहेको छ।
