काठमाडौं । दोल्ती पावर र भूगोल इनर्जी डेभलपमेन्ट कम्पनीले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेका छन्।
समीक्षा अवधिमा दोल्ती पावरले ९८ लाख ७२ हजार रुपैयाँ घाटा व्यहारेको छ। अघिल्लो वर्ष यही अवधिमा कम्पनीले २ करोड २३ लाख रुपैयाँ घाटा व्यहोरेको थियो। यो हिसाबले अघिल्लो वर्षको तुलनामा समीक्षा अवधिमा कम्पनीको घाटा घटेको छ।
दोस्रो त्रैमासमा कम्पनीले विद्युत बिक्रीबाट ५ करोड ८३ लाख रुपैयाँ आम्दानी गरेको छ। अघिल्लो वर्षको यही अवधिको तुलनामा यो आम्दानी ४.९३ प्रतिशतले बढी हो। अघिल्लो वर्ष यही अवधिमा कम्पनीले ५ करोड ५६ लाख रुपैयाँ विद्युत बिक्रीबाट आम्दानी गरेको थियो।
चुक्तापुँजी ५३ करोड ६४ लाख रुपैयाँ रहेको कम्पनीको रिजर्भ र सरप्लस १५ करोड ३९ लाख रुपैयाँले ऋणात्मक रहेको छ। अघिल्लो वर्ष पनि रिजर्भ र सरप्लस ७ करोड रुपैयाँले ऋणात्मक थियो।
दोल्ती पावरको वार्षिकीकृत प्रतिशेयर आम्दानी (ईपीएस) १.८४ रुपैयाँ रहेको छ भने प्रतिशत शेयर नेटवर्थ ७१.३० रुपैयाँ रहेको छ।
समीक्षा अवधिमा भूगोल इनर्जीले १ करोड ४५ लाख रुपैयाँ घाटा व्यहारेको छ। अघिल्लो वर्ष यही अवधिमा कम्पनीले ३ करोड ९९ लाख रुपैयाँ घाटा व्यहोरेको थियो। यो हिसाबले अघिल्लो वर्षको तुलनामा समीक्षा अवधिमा कम्पनीको घाटा घटेको छ।
दोस्रो त्रैमासमा कम्पनीले विद्युत बिक्रीबाट ३ करोड ७१ लाख रुपैयाँ आम्दानी गरेको छ। अघिल्लो वर्षको यही अवधिको तुलनामा यो आम्दानी ११६.२१ प्रतिशतले बढी हो। अघिल्लो वर्ष यही अवधिमा कम्पनीले १ करोड ७१ लाख रुपैयाँ विद्युत बिक्रीबाट आम्दानी गरेको थियो।
चुक्तापुँजी ५४ करोड ४० लाख रुपैयाँ रहेको कम्पनीको रिजर्भ र सरप्लस २१ करोड ६८ लाख रुपैयाँले ऋणात्मक रहेको छ। अघिल्लो वर्ष पनि रिजर्भ र सरप्लस १४ करोड २२ लाख रुपैयाँले ऋणात्मक थियो।
भूगोल इनर्जीको वार्षिकीकृत प्रतिशेयर आम्दानी (ईपीएस) २.११ रुपैयाँले ऋणात्मक रहेको छ भने प्रतिशत शेयर नेटवर्थ ६०.१४ रुपैयाँ रहेको छ।
