काठमाडौं । नेपाल स्टक एक्सचेञ्जले नेपाल इन्भेष्टमेन्ट र मेगा बैंक लिमिटेडको शेयर कारोबार रोक्का गरेको छ । यी दुई बैंक एक आपसमा मर्जर भइ एकिकृत कारोबार गर्दैछन् त्यसकारण कारोबार रोक्का भएको हो ।
यी दुवै बैंकले मर्जर कार्य सम्पन्न गरी पुष २७ गतेदेखि ‘नेपाल इन्भेष्टमेन्ट मेगा बैंक लिमिटेड’ को नामबाट एकीकृत कारोबार गर्ने भएकोले नेप्से समक्ष पुष २७ गतेदेखि नै लागू हुनेगरी शेयर कारोबार रोक्का राख्न पत्र पठाएको थियो । नेप्सेले सोही बमोजिम पुष २७ गतेदेखि नै लागू हुनेगरी नेपाल इन्भेष्टमेन्ट र मेगा बैंकको शेयर कारोबार रोक्का गर्ने निर्णय गरेको हो ।
