काठमाडौं । नेपाली बजारमा सुनको भाउले दिनदिनै नयाँ उचाइ बनाउँदै गएको छ।
सुनको भाउ आज बुधबार पनि नयाँ उचाइमा पुगेको छ। आज तोलामा १ हजार ६०० रुपैयाँले बढेर प्रतितोला फाइन गोल्ड १ लाख १९ हजार ३०० रुपैयाँ र तेजाबी गोल्ड १ लाख १८ हजार ७५० रुपैयाँ कायम भएको छ। सुनको यो भाउ हालसम्मकै उच्च हो।
सुनको भाउ मंगलबार पनि तोलामा ३०० रुपैयाँले बढेको थियो। मंगलबार प्रतितोला फाइन गोल्ड १ लाख १७ हजार ७०० रुपैयाँ र तेजाबी गोल्ड १ लाख १७ हजार १५० रुपैयाँमा कारोबार भएको थियो। सुनको भाउ मंगलबार हालसम्मकै उच्च थियो। जुन आज तोडिएको छ।
चाँदी पनि आज तोलामा २० रुपैयाँले बढेर १ हजार ५२० रुपैयाँ कायम भएको छ। यो हालसम्मकै उच्च हो। हिजो भाउ स्थिर रहँदै चाँदी १ हजार ५०० रुपैयाँमा कारोबार भएको थियो।
