काठमाडौं । आज नेपालमा थप एक हजार १२८ जनामा कोरोना संक्रमण पुष्टि भएको छ । सोही समय कोरोना संक्रमणबाट थप १४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा १७ हजार ४४७ आरटी पीसीआर र तीन हजार ५४२ जनामा एन्टीजेन गरी मुल २० हजार ९८९ जनामा कोरोना परिक्षण गरिएको मन्त्रालयले जनाएको छ । जसमध्ये एक हजार १२८ जनामा कोरोना संक्रमण पुष्टि भएको हो ।
मन्त्रालयका अनुसार आज थपिएसँगै नेपालमा सक्रिय कोरोना संक्रमितको संख्या २७ हजार ४४१ जना रहेका छन् । नेपालमा हालसम्म कोरोना संक्रमणका कारण ११ हजार ८७८ जनाको मृत्यु भइसकेको छ ।
