एनआईसी एशिया बैंकले आफ्नो स्वमित्वमा रहेको तीन ओटा कम्पनीको संस्थापक शेयर आजदेखि लिलामीमा विक्री खुला गरेको छ ।बैंकले आफ्नो स्वामित्वमा रहका आरएमडिसी लघुवित्त वित्तीय संस्था, महुली सामुदायिक लघुवित्त र मेरो माइक्रोफाइनान्स लघुवित्त वित्तीय संस्थाको संस्थापक शेयर बिक्रि गर्ने भएको हो ।
बैंकले आरएमडिसी लघुवित्त वित्तीय संस्थाको ४ लाख ३६ हजार ३६१ कित्ता, महुलि लघुवित्त वित्तीय संस्थाको ६१ हजार २०० र मेरो माइक्रोफाइनान्स लघुवित्त वित्तीय संस्थाको ५ लाख ९८ हजार ५९८ कित्ता संस्थापक शेयर लिलामीमा विक्री गर्ने भएको हो ।
उक्त शेयर खरीद गर्न इच्छुक आवेदकले फागुन १२ गतेसम्म आवेदन गर्न सक्नेछन् । आरएमडिसी लघुवित्तको न्यूनतम शेयरमूल्य रू. ५२३ , महुली सामुदायिक लघुवित्तको रू. ८१२ र मेरो माइक्रोफाइनान्सकोरू. ४६३ तोकिएको हुँदा सो वा सो भन्दा बढी मूल्य अंकित गरी आवेदन दिन सकिनेछ ।
विद्यमान संस्थापकहरुलाई प्रथामिकता दिई यो सूचना प्रकाशित भएको ३५ दिनको समय दिएको हुनाले संस्थापक शेयरधनीलाई छुट्टै ३५ दिनको सूचना प्रकाशित नगरेको कम्पनीले जनाएको छ।
शेयर खरीदको लागि बोलकबोल गर्दा न्यूनतम १ सय कित्ताको लागि आवेदन गर्नु पर्नेछ भने र अधिकतम कित्ताको लागि कुनै हद लाग्ने छैन ।
विक्री प्रबन्धक एनआईसी एशिया क्यापिटल रहेको छ भने आवेदकले एनआईसी एशिया बैंकको कर्पोरेट कार्यालय ट्रेड टावर थापाथली र यस बैंकका शाखा कार्यालय मार्फत समेत आवेदन दिन सक्नेछन् ।
