काठमाडौं । जीवन बीमाको प्रचार प्रसार अभियानका क्रममा भारतीय जीवन बीमा कम्पनी एचडिएफसी लाइले विश्वव्यापी किर्तीमानी कायम गर्दै गिनिज बुक अफ वर्ल्ड रेकर्डमा समेत नाम दर्ज गराउन सफल भएको छ। एक साथ १९ हजार १७ जनाको सेल्फी फोटोलाई एउटै फ्रेममा उतारेर एचडिएफसी लाइफले किर्तीमान कायम गर्न सफल भएको हो ।
यो जीवन बीमकले भारतभर बीमा अभियान अन्तर्गत देशभरका बीमितलाई सेल्फी फोटो खिचेर अभियानमा ऐक्यबद्धता जनाउन आह्वान गरेको थियो । इच्छुक व्यक्तिले कम्पनीको वेबसाइटमार्फत् आफ्नो सेल्फी फोटो यो अभियानमा दर्ज गराएका थिए ।
अभियानको बारेमा बोल्दै, विशाल सुभरवालले सन् २०४७ सम्ममा सबैका लागि जीवन बीमा भन्ने सरकारी लक्ष्यलाई सुनिश्चित गर्ने बृहत्तर उद्योग दृष्टिकोणका साथ जीवन बीमाको बारेमा चेतना बढाउनका लागि यो अभियान सञ्चालन गरिएको जानकारी दिए ।
