काठमाडौं । हिमालयन रिइन्स्योरेन्सको शेयरभाउमा कारोबारमा आएको चैथो दिन आज बिहीबार पनि कारोबार खुलेको १ मिनेटभित्रै सकारात्मक सर्किट लागेको छ।
आज हिमालयन रिइन्स्योरेन्सको शेयरमूल्यमा करिब १० प्रतिशतले बढेर सकारात्मक सर्किट लागेको हो। यो कम्पनीको शेयरभाउ अहिले ९.९९ प्रतिशत अर्थात ४१.१० रुपैयाँले बढेर ४५२.६० रुपैयाँ पुगेको छ।
यो ४ दिनमा लगानीकर्ताले हिमालयन रिइन्स्योरेन्सको शेयरबाट करिब १२० प्रतिशत रिटर्न पाएका छन्।
आज पनि हिमालयन रिइन्स्योरेन्सको शेयरमा खरिदचाप देखिएको छ। मार्केट डेप्थमा हेर्दा यो समाचार तयार पार्दा (११ः०८ बजे)सम्म खरिदतर्फ २८ लाख १३ हजार ३३ कित्ता पोस्ट भएको छ। बिक्रीतर्फ भने कुनै अर्डर परेको छैन।
