काठमाडौं । आर्थिक वर्ष २०७९/८० को लेखापरीक्षकको प्रतिवेदन स्वीकृत गर्दै चन्द्रागिरी हिल्सको १४ औँ वार्षिक साधारणसभा सम्पन्न भएको छ।
काठमाडौं थानकोटस्थित कार्यालयमामा आज सम्पन्न वार्षिक साधारणसभाले उक्त आर्थिक वर्षको वासलात, नाफा–नोक्सान हिसाब विवरणसहितको लेखापरीक्षकको प्रतिवेदन अनुमोदन गरेको हो। सभाले सञ्चालक समितिबाट प्रस्तुत भएको वार्षिक प्रतिवेदन पनि स्वीकृत गरेको छ।
सभाले चालु आर्थिक वर्ष २०८०/८१ को लेखापरीक्षण कार्यका लागि लेखापरीक्षक नियुक्ति गर्ने र निजको पारिश्रमिक निर्धारण गर्नेसम्बन्धी प्रस्ताव पारित गरेको छ।
सोही सभाले सञ्चालक समितिका सदस्यहरुको बैठक भत्ता परिमार्जन गर्ने प्रस्ताव पनि अनुमोदन गरेको छ।
