गुहेश्वरी मर्चेण्ट बैंकिङ्ग एण्ड फाइनान्स लिमिटेडले देवकोटा चोक भैरहवा, रुपन्देहीमा एघारौँ शाखा कार्यालय सञ्चालनमा ल्याएको छ ।
नेपाल राष्ट्र बैंक भैरहवाका निर्देशक असोक कुमार पौडेल, संस्थाका संस्थापक अध्यक्ष राजेश लाल श्रेष्ठ, अध्यक्ष श्रीमान श्रेष्ठ तथा प्रमुख कार्यकारी अधिकृत दिनेश लाल श्रेष्ठको उपस्थितिमा बैंकले एघारौँ भैरहवा शाखा कार्यालय शुभारम्भ गरेको हो ।
संस्थाको चुक्ता पूँजी रु. ८० करोड तथा जगेडा कोषमा रु. १५ करोड ९७ लाख रहेको छ ।
