काठमाडौं । कुनै पनि विमान नियमित मर्मत संभार गर्न सकियो भने यसको आयू कति लामो हुनसक्छ भन्ने जीवन्त उदाहरण क्यानेडाको एलसिआइ एभिएशनले प्रयोग गरि रहेको ८१ वर्ष पुरानो विमानले प्रस्तुत गरेको छ।
दोश्रो विश्वयूद्ध ताका अमेरिकी वायू सेनाले मालवाहक विमानको रूपमा प्रयोग गरेको एमएसएन १३३४२ दर्ता नम्बरको यो विमान त्यस पछिका वर्षहरूमा यात्रु र मालसामानका लागि निरन्तर उडानमा रहेको छ। सन् १९४४ मा निर्माण गरिएको यो विमानले विभिन्न वायू सेवा सञ्चालक मार्फत दशकौंको सेवाको सारथी बनेको छ।
डगलस डिसी थ्री, यसको टिकाउपन र बहुउपयोगिताका लागि प्रख्यात छ। एन्टार्कटिक लॉजिस्टिक्समा विशेष दक्षता राख्ने एएलसिआइ एभिएसनले यो विमानलाई कठोर परिस्थितिका लागि अनुकूल बनाएको छ । पुरानो विमानका बावजुद, डिसी थ्रीको ठोस डिजाइन र निरन्तर मर्मतले यसलाई कठिन वातावरणमा पनि कर्मचारी र सामानलाई दुर्गम क्षेत्रमा ढुवानी गर्न सक्षम बनाउँछ।
यो विमानको दीर्घायुले प्रारम्भिक हवाई इन्जिनियरिङको कौशल र एएलसिआइ एभिएसनको ऐतिहासिक तर क्रियाशील विमानलाई संरक्षण र प्रयोग गर्ने प्रतिबद्धतालाई उजागर गर्छ।
सन् २००० को दशकमा, एलएसिआइ एभिएसनले यसलाई अधिग्रहण गरेर एन्टार्कटिक लॉजिस्टिक्सको कठोर चुनौती सामना गर्न अनुकूलित गर्यो। एएलसिआइ एभिएसनले यसलाई नियमित रूपमा मर्मत र संभार गर्दै, यसको ऐतिहासिक महत्वलाई जोगाउँदै यसको कार्यक्षमतामा कुनै कमी आउन दिएको छैन।
नेपालमा बुद्ध एयरलाइन्सले २९ वर्ष पुरानो विमानलाई यसै वर्ष बिदाई गरेको छ। सन् १९९५ मा निर्मित ‘९एन-एआईएन’ कल साइनको एटिआर विमानलाई गत भदाै २५ गते सेवाबाट बिदाई गरेको थियो । बुद्ध एयरले मात्र १६ वर्ष प्रयोग गरेको यो जहाजले ७० हजार घण्टाको उडान चक्र पुरा गरेको जनाउँदै एयरलाइन्स व्यवस्थापनले जहाजलाई थन्काएको हो।
