काठमाडौं । कोभिड १९ को संक्रमणदर दिन दिनै बढ्न थालेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोभिड संक्रमितको संख्या ३०७५ ले थपिएको छ । मंगलबार २३ सय हाराहारी रहेकोमा आज थप ७ सय भन्दा धेरैले बढेका हुन् ।
पछिल्लो २४ घण्टामा १३ हजार ३६ जनामा कोरोना परीक्षण गर्दा पिसिआर परीक्षणबाट २ हजार ४४८ र एन्टिजेन परीक्षणबाट ६२७ जनामा कोरोना संक्रमण पुष्टि भएको मन्त्रालयले जनाएको छ । पछिल्लो २४ घन्टामा कोरोना संक्रमणबाट २ जनाले ज्यान गुमाएका छन्।
