काठमाडौं । नेपाल स्टक एक्सचेन्ज (नेप्से)मा कुमारी बैंकको ५ अर्ब रुपैयाँको ऋणपत्र सूचीकृत भएको छ।
नेप्सेमा कुमारी बैंकको १ हजार रुपैयाँ अंकित दरका कुल ५० लाख इकाइ रहेको ‘केबीएल डिबेन्चर–२०९०’ नामक ऋणपत्र सूचीकृत भएको हो। यो ऋणपत्र बिहीबारदेखि कारोबारमा गर्न सकिनेछ।
नेप्सेले यो ऋणपत्रलाई ‘केबीएलडी९०’ कारोबार संकेत प्रदान गरेको छ।
कुमारी बैंकको यो ऋणपत्र १० वर्षे अवधिको हो। यसमा लगानीकर्ताले वार्षिक १० प्रतिशत ब्याज पाउनेछन्।
