काठमाडौं। आजको समयमा सबैजना कमाउनका लागि कडा परिश्रम गरिरहेका छन्। कमाइको केही बचत गर्न चाहन्छन् र आफ्नो पैसा बढिरहने ठाउँमा लगानी गर्न चाहन्छन्। तर, कतिपय मानिसमा यस्ता पनि हुन्छन् कि उनीहरुको आम्दानी उत्कृष्ट छ तर यसका बाबजुद पनि बचत गर्न सकिरहेका छैनन्। यसको पछाडि विभिन्न प्रकारका खर्च हुन्छन्, जुन आम्दानीभन्दा बढी हुन्छ। यस्तो अवस्थामा आफ्नो आम्दानी बचत, खर्च र लगानीबीच सन्तुलन बनाउनु अत्यन्तै जरुरी हुन्छ। यसमा ‘ट्रिपल अकाउन्ट फर्मुला’ उपयोगी हुन सक्छ।
यो महँगीको समयमा खर्च निरन्तर बढ्दै गएको छ र हरेक महिना कमाइको ठूलो हिस्सा यसैमा जान्छ। यस्तो अवस्थामा यसलाई भविष्यको आकार दिनका लागि व्यवस्थापन गर्नु अत्यन्त जरुरी हुन्छ। बचत, खर्च र लगानीबीच उचित सन्तुलन कायम गर्नुभयो भने वित्तीय क्षेत्रमा सफल हुनबाट कसैले रोक्न सक्दैन। ट्रिपल अकाउन्ट फर्मुला विशेषगरी त्यस्ता व्यक्तिका लागि धेरै प्रभावकारी साबित हुन्छ, जसले प्रायः आफूले धेरै कमाएको गुनासो गर्छ तर पैसा कहाँ खर्च हुन्छ थाहा हुँदैन।
पहिलोः इन्कम अकाउन्ट (आम्दानी खाता)
यदि तपाइँ जागिरमा हुनुहुन्छ भने तलब बैंक खातामा प्रत्येक महिना आउनेछ। वा यदि तपाइँ कुनै व्यवसाय गर्नुहुन्छ भने तपाइँको पैसा चालु खातामा आउँछ। यसलाई पहिलो खाता वा इन्कम अकाउन्ट खाता नाम दिन सकिन्छ। यसको मतलब यो खाताले तपाइँको मासिक आम्दानीको बारेमा बताउँछ। तलबमात्र होइन योबाहेक अरु कुनै स्रोतबाट पनि आम्दानी भइरहेको छ भने यो खातामा पनि राख्नुहोस्। यसले महिनामा तपाइँको कुल आम्दानी कति छ भनेर थाहा पाउन मद्दत गर्नेछ।
दोस्रोः स्पेन्ड अकाउन्ट (खर्च खाता)
पहिलो खाताबाट तपाईलाई आफ्नो मासिक आम्दानीको पूर्ण जानकारी हुनेछ। त्यसपछि दोस्रो बैंक खाताको पालो आउँछ, जसलाई खर्च खाता नाम दिन सकिन्छ। यो नामबाट स्पष्ट छ कि तपाइँको खर्चबारे जानकारीसँग सम्बन्धित छ। तपाइँले गर्नुपर्ने भनेको हरेक महिना तपाइँको महत्वपूर्ण खर्चको सूची बनाउनु हो र तदनुसार खर्च हुने रकम आय खाताबाट यस खातामा हस्तान्तरण गर्नुहोस् र त्यसबाट व्यवस्थापन गर्नुहोस्। यस्तो अवस्थामा यो दोस्रो खातामार्फत मासिक खर्चको पूरा खाता तपाइँको अगाडि हुनेछ। अनावश्यक खर्च नियन्त्रण गर्ने प्रयास गर्नुहोस्।
तेस्रोः इन्भेस्टमेन्ट अकाउन्ट (लगानी खाता)
एकचोटि तपाइँले दुवै खातामा आम्दानी र व्ययको बीचमा सन्तुलन कायम गर्नुभयो भने त्यसपछि अर्को कदम चाल्ने समय हुनेछ। अर्को खाता बचत र लगानी खाता हुनेछ। यसको मतलब यो हो कि प्रत्येक मासिक खर्चपछि तपाइँले आफ्नो पहिलो खातामा बचत गरिएको पैसाको एक अंश यस खातामा स्थानान्तरण गर्नुपर्नेछ र तपाइँले उत्कृष्ट प्रतिफल प्राप्त गर्न सक्ने कुनै पनि ठाउँ वा योजनामा लगानी गर्न सक्नुहुन्छ। खर्चको सूची राखेपछि आफ्नो आय खाताबाट प्रत्येक महिना निश्चित रकम जम्मा गर्नु राम्रो हुन्छ।
यसबाट लगानी गर्नुपर्ने निश्चित रकम कतै व्यवस्थापन गर्नुपर्दैन भन्ने फाइदा हुनेछ। तपाइँले यो खातामार्फत हरेक महिना लगानी गर्न सक्नुहुन्छ। यद्यपि, यो पनि ध्यान राख्नुहोस् कि प्रारम्भिक चरणमा धेरै रकमको साथ लगानी सुरु नगर्नुहोस्। किनकि यसले तपाइँको बजेटलाई असर गर्न सक्छ। तपाइँको आम्दानी बढ्दै जाँदा विस्तारै लगानी बढाउनुहोस्।
यस फर्मुलामार्फत तपाइँले तीनवटा खातामार्फत आम्दानी, मासिक खर्च र लगानीसम्बन्धी पूर्ण विवरण प्राप्त गर्नुहुनेछ र धेरै कमाए पनि पैसा कहाँ खर्च भयो भन्नेबारे तपाइँको गुनासो पूर्ण रुपमा हट्नेछ। यससँगै तपाइँको लगानी पनि सुरु हुनेछ, जसले तपाइँलाई आर्थिक रुपमा बलियो बनाउनेछ।
