काठमाडौं । एनएमबि ५० को असोजमसान्तसम्ममा प्रतिइकाई खुद सम्पति मूल्य (न्याभ) १० रुपैयाँ ९८ पैसा कायम भएको छ । फण्डको न्याभ अघिल्लो महिनाको तुलनामा४५ पैसाले कम हो । अघिल्लो महिनामा फण्डको न्याभ ११ रुपैयाँ ४१ पैसा रहेको थियो । फन्डले गत वर्षको मुुनाफाबाट इकाइधनीलाई दिएको ५ प्रतिशत नगद लाभांश पश्चात् मूल्य समायोजन गर्दा न्याभ घटेको फण्डले जनाएको छ ।
फण्डमा सूचीकृत कम्पनीको सेयरमा लगानी ९९ करोड ३२ लाख ६४ हजार रुपैयाँ पुगेको छ । यो भदौ महिनाको भन्दा १२ करोड ८ लाख ८८ हजार रुपैयाँ बढी हो । यस अवधिमो फन्डले ४८ वटा सूचीकृत कम्पनीको सेयरमा लगानी गरेको छ । सबैभन्दा धेरै नेपाल लाइफ इन्स्योरेन्सको सेयरमा लगानी रहेको छ । यस कम्पनीको २८ हजार ११३ कित्ता सेयरमा ३ करोड ८६ लाख २७ हजार रुपैयाँ लगानी गरिएको हो ।
