काठमाडौं । एनएमबि क्यापिटल लिमिटेडले संस्थागत सामाजिक उत्तरदायित्वअन्तर्गत ललितपुरको महालक्ष्मीस्थानस्थित कसमस कलेज अफ म्यानेजमेन्ट एन्ड टेक्नोलोजीमा बीबीए संकायमा अध्ययनरत विद्यार्थीका लागि लगानीसम्बन्धी जनचेतनामूलक र अन्तर्क्रिया कार्यक्रम आयोजना गरेको छ।
‘एनएमबि सरल बचत फण्ड–इ’का स्किम व्यवस्थापक प्रतिल कोजू र स्किम सहायक लचना शाक्यले संयुक्त रुपमा उक्त कार्यक्रम सञ्चालन गरेका थिए । सहभागीहरुलाई पुँजीबजारका विभिन्न पक्ष र गतिविधिहरुबारे जानकारी गराउँदै कार्यक्रमपछि सहभागीहरुबाट सोधिएका विभिन्न जिज्ञासाको सम्बोधन गरेका थिए।
आगामी दिनमा पनि कम्पनीले देशका विभिन्न ठाउँमा यस्ता कार्यक्रमलाई निरन्तरता दिने क्यापिटलले जनाएको छ।
