काठमाडौं । नेपाली बजारमा शुक्रबार सुनको भाउ फेरि उकालो लागेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ४०० रुपैयाँले बढेको हो।
आज प्रतितोला छापावाल सुन १ लाख ३७ हजार २०० रुपैयाँ र तेजाबी गोल्ड १ लाख ३६ हजार ५५० रुपैयाँमा कारोबार भइरहेको छ। हिजो प्रतितोला छापावाल सुन १ लाख ३५ हजार ८०० रुपैयाँ र तेजाबी गोल्ड १ लाख ३५ हजार १५० रुपैयाँमा किनबेच भएको थियो। हिजो सुनको भाउ तोलामा २०० रुपैयाँले घटेको थियो।
आज चाँदी तोलामा २० रुपैयाँले बढेर १ हजार ६७५ रुपैयाँ कायम भएको छ। हिजो तोलामा १५ रुपैयाँले घटेर चाँदी १ हजार ६५५ रुपैयाँमा किनबेच भएको थियो।
