काठमाडौं । उन्नति लघुवित्त वित्तीय संस्था र सहकार्य लघुवित्त वित्तीय संस्थाले असार २६ गतेदेखि एकिकृत कारोबार थाल्ने भएका छन्। नेपाल राष्ट्र बैंकले यी दुई लघुवित्त वित्तीय संस्थालाई संयुक्त कारोबारको लागि स्वीकृति प्रदान गरेसँगै एकिकृत कारोबार शरु गर्ने भएका हुन् । अब उन्नति सहकार्य लघुवित्त वित्तीय संस्थाको नामबाट संयुक्त कारोबार थाल्ने कम्पनीले जनाएको छ ।
दुबै वित्तीय संस्थाको गत पुस १९ गते बसेको साधारण सभाले गाभ्ने तथा गाभिने प्रस्ताव पारित गरेको थियो। नेपाल राष्ट्र बैंकले गत फागुन १८ गते दुई संस्थालाई आपसमा गभिन स्वीकृति प्रदान गरेको थियो भने कम्पनी रजिस्ट्रारको कार्यालयले जेठ १९ गते स्वीकृति प्रदान गरेको थियो।
एकिकृत कारोबार गर्दा दुबै संस्थाको तथ्यांकलाई एउटै सफ्टवेरबाट कारोबार गर्नुपर्ने हुँदा असार २५ गते एक दिन दुबै वित्तीय संस्थाले प्रदान गर्दै आएको सेवा बन्द हुने भएको कम्पनीले जनाएको छ।
