काठमाडौं । आरएसडीसी लघुवित्त वित्तीय संस्थाले आर्थिक वर्ष २०८०।८१ का लागि लाभांश घोषणा गरेको छ।
संस्थाको सञ्चालक समितिको कात्तिक १ गते बसेको बैठकले उक्त आर्थिक वर्षको मुनाफाबाट हाल कायम चुक्तापुँजी ९४ करोड ४३ लाख ५१ हजार ६५ रुपैयाँको कुल १० प्रतिशतले हुन आउने ९ करोड ४४ लाख ३५ हजार १०७ रुपैयाँबराबरको लाभांश वितरण गर्ने निर्णय गरेको हो। जसमा ९.५ प्रतिशत बोनस शेयर र कर प्रयोजनार्थ ०.५ प्रतिशत नगद लाभांश छन्।
प्रस्तावित लाभांश नेपाल राष्ट्र बैंकको स्वीकृतिपछि आगामी ११ औँ वार्षिक साधारणसभाबाट अनुमोदन गरी शेयरधनीहरुलाई वितरण गरिने संस्थाले जनाएको छ।
