काठमाडौं । ट्रेड टावर लिमिटेडले आफ्ना शेयरधनीहरुका लागि आज माघ ७ गतेबाट हकप्रद शेयर बिक्री खुला गरेको छ।
कम्पनीले आफ्ना शेयरधनीहरुका लागि १०ः१ को अनुपातमा अर्थात १० प्रतिशत हकप्रद शेयर बिक्री खुला गरेको हो। कम्पनीले १०० रुपैयाँ अंकित दरका कुल ३ लाख ९३ हजार ३८४ कित्ता शेयर बिक्रीमा राखेको छ।
इच्छुक शेयरधनीले फागुन १५ गतेसम्म खरिद आवेदन दिन सक्नेछन्। यसका लागि लक्ष्मी बैंकमा रहेको कम्पनीको खातामा रकम जम्मा गरी सोको सक्कल भौचर दरखास्तका साथ कम्पनीको काठमाडौं थापाथलीस्थित कार्यालयमा रहेको लेखा शाखामा बुझाउनुपर्ने कम्पनीले जनाएको छ।
हकप्रद शेयर बिक्री बन्द भएपछि प्राप्त आवेदन फारमलाई बाँडफाँडमा समावेश नगरिने कम्पनीले स्पष्ट पारेको छ।
