काठमाडौं । आज बुद्ध जयन्ती अर्थात् बुद्ध पूर्णिमा मनाइँदैछ। यसपालि बुद्ध पूर्णिमामा थुप्रै दुर्लभ र शुभ योग बन्न गइरहेका छन्। यो वर्ष बुद्ध पूर्णिमामा सर्वार्थ सिद्धि योग, शिव योग, शुक्रादित्य योग र गजलक्ष्मी योग बन्न गइरहेका छन्। बुद्ध पूर्णिमामा बन्ने यी योग सबैले सुखद् संकेत दिनेछन्।
ज्योतिष गणनाका अनुसार यसपालि बुद्ध पूर्णिमामा माता लक्ष्मीको विधिवत पूजा र केही खास उपायले आउँदो वर्ष बुद्ध पूर्णिमासम्म धन लाभ प्राप्ति हुन सक्छ।
यस्ता छन् ३ उपाय
पहिलो उपायः आज बुद्ध पूर्णिमाको रात दूधमा चिनी र चामल मिलाएर चन्द्र देवलाई अर्घ्य दिने। यस क्रममा ‘ॐ श्रां श्रां सः चन्द्रमसे नमः’को मन्त्र जप्ने ।
दोस्रो उपायः आज बुद्धि पूर्णिमाको दिन ११ कौडमा बेसार लगाएर माता लक्ष्मीको चरणमा अर्पित गर्ने। भोलि बिहान ती कौडालाई रातो कपडाले बाँधेर पैसा राख्ने लकरमा राख्ने । यदि तपाइँ व्यापारी हुनुहुन्छ भने ती कौडालाई आफ्नो पसलको पैसा राख्ने ठाउँमा राख्न सक्नुहुन्छ। माता लक्ष्मीको आशिर्वादले कहिल्यै धनको क्षति हुने छैन।
तेस्रो उपायः तुलसीमा माता लक्ष्मीको बास हुन्छ । आज बुद्ध पूर्णिमाको दिन बिहान नुहाएर तुलसीको बोटमा पानी चढाउने र रातको समयमा एउटा दीप प्रज्ज्वलन गरेर माता लक्ष्मीको मन्त्रहरु जप गर्ने।
यी ३ दिव्य उपाय गर्नेहरुको घरमा कहिल्यै आर्थिक संकट आउने छैन। यी उपाय अपनाएर आउँदो वर्ष बुद्ध पूर्णिमाको दिनसम्म घरमा लक्ष्मीको बास हुनेछ। धनधान्य प्राप्ति हुनेछ।
