काठमाडौं । आज सोमबार सुनको भाउ घटेको छ । हिजो आइतबार तोलामा ९२ हजार २ सय रुपैयाँमा कारोबार भएको छापावाला सुनको भाउ आज तोलामा ४ सय रुपैयाँले घटेर प्रतितोला ९१ हजार ८ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै, तेजाबी सुनको भाउ पनि तोलामा ४ सय रुपैयाँले घटेको । आज तेजाबी सुनको भाउ ४ सय रुपैयाँले घटेर प्रतितोला ९१ हजार ३ सयमा कारोबार भइरहेको छ । आज चाँदीको भाउ तोलामा १० रुपैयाँले घटेर प्रतितोला १२ सय ४० रुपैयाँमा कारोबार भइरहेको महासंघले जनाएको छ ।
