काठमाडौं । आज सोमबार सुन चाँदीको भाउ घटेको छ । हिजो सुनको भाउ स्थिर रही छापावाला सुन प्रतितोला १ लाख ४२ हजार रुपैयाँमा कारोबार भएको थियो । आज प्रतितोला १ हजार रुपैयाँले घटेर छापावाला सुन प्रतितोला १ लाख ४१ हजार रुपैयाँमा कारोबार भइरहेको छ ।
आज तेजावी सुन पनि १ हजार रुपैयाँले नै घटेर तेजावी सुन प्रतितोला १ लाख ४० हजार ३ सय रुपैयाँमा कारोबार भइरहेको छ । आज चाँदीको भाउ १५ रुपैयाँले घटेर तोलामा १ हजार ८३५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
