काठमाडौं । नेपाल धितोपत्र बोर्डमा आइपीओ अनुमति माग्दै दुई कम्पनीले निवेदन दिएका छन्। हिम रिभर पावर र पियोर इनर्जीले धितोपत्र बोर्डमा आइपीओ ल्याउन अनुमति माग्दै निवेदन दिएका हुन्।
हिम रिभरले १३ करोड ३० लाख रुपैयाँ र पियोर इनर्जीले १६ करोड रुपैयाँबराबरको आइपीओ ल्याउन अनुमति मागेका छन्। धितोपत्र बोर्डले अनुमति दिएमा हिम रिभरले १०० रुपैयाँ अंकित दरका कुल १३ लाख ३० हजार कित्ता र पियोर इनर्जीले १६ लाख कित्ता आइपीओ ल्याउनेछन्।
आइपीओ बिक्री प्रबन्धकमा हिम रिभरको सिद्धार्थ क्यापिटल र पियोर इनर्जीको नबिल इन्भेस्टमेन्ट बैंकिङ रहेका छन्।
