काठमाडौँ । काठमाडौँ महानगरपालिकाले आगामी शैक्षिकसत्र २०८१ का लागि अहिलेदेखि नै विद्यार्थी भर्ना प्रक्रिया अगाडि नबढाउन निर्देशन दिएको छ।
महानगर क्षेत्रभित्रका केही विद्यालयले अनलाइन र अन्य विभिन्न माध्यमबाट अहिलेदेखि विद्यार्थी भर्ना प्रक्रिया अगाडि बढाएको गुनासो आएपछि महानगरले आज एक सूचना प्रकाशित गरी यस्तो निर्देशन दिएको हो। शैक्षिकसत्रको सुरुआतको समय नभई विद्यार्थी भर्नाका लागि कुनै पनि तरिकाले सूचना प्रकाशन नगर्न पनि महानगरले निर्देशन दिएको छ।
निर्देशनविपरीत त्यस प्रकारको सूचना प्रकाशन गरेको पाइएमा महानगरपालिकाको शिक्षा ऐन, २०७५ तथा अन्य प्रचलित कानुनबमोजिम कारबाही गरिने महानगरले चेतावनी दिएको छ।
