काठमाडौं । मिडिल मोदी हाइड्रोपावरले आफ्ना शेयरधनीहरुलाई चुक्तापुँजीको ६० प्रतिशतभन्दा बढी हकप्रद शेयर बिक्री गर्ने भएको छ।
कम्पनीले चुक्तापुँजीको १ः०.६०२४ अर्थात ६०.२४ प्रतिशत हकप्रद शेयर यही असार २५ गते बिक्री खुला गर्ने भएको हो। जसअनुसार कम्पनीले १०० रुपैयाँ अंकित दरका कुल ४८ लाख ७९ हजार ७१९ कित्ता शेयर बिक्री गर्नेछ।
यो हकप्रदमा हालसम्म कायम रहेका शेयरधनीहरुले खरिद आवेदन दिन सक्नेछन्। हकप्रद शेयर खरिदका लागि साउन १३ गतेसम्म आवेदन दिन सकिने कम्पनीले जनाएको छ।
मिडिल मोदी हाइड्रोपावरको कार्यालय ललितपुरमा सानेपामा रहेको छ।
