काठमाडौं । सामान्यतया जीवन बीमा योजनाहरू महिला वा पुरूषका लागि भनेर छुट्याइएको हुँदैन । दुबैका लागि लागू हुने गरी बीमालेख तयार पारेर बिक्री वितरण गरिन्छ। नेपालको बीमा बजारमा महिलाहरूका लागि नै लक्षित गरेर कुनै विशेष प्रकृतीको बीमालेख प्रचलनमा रहेको छैन ।
महिलाहरूको दिनचर्या, जोखिमको स्तर, जैविक बनाैट र आम्दानी तथा बचतको स्तर पुरूषको भन्दा पृथक हुन्छ। यस्तो अवस्थामा महिलाका लागी नै लक्षित गरेर तयार पारिएको जीवन बीमालेख उनीहरूको जोखिम बहन गर्नका लागि उपयोगी हुनसक्छ।
छिमेकी मुलुक भारतको बजारमा महिलालाइ लक्षित गरेर बिक्री वितरणमा ल्याइएका दर्जनाैं बीमा योजनाहरू छन्। अतिरिक्त विशेषताहरूका साथमा फरक फरक बीमालेखहरू जीवन बीमकले उपलब्ध गराई रहेका छन् । यहाँ भारतीय बजारमा बिक्रीमा रहेका महिला लक्षित जीवन बीमा योजनाको विषयमा केही जानकारी समावेश गरिएका छन् ।
भारतीय बजारमा महिलाको लागि लक्षित म्यादी बीमाले कुनै पनि परिवारको महिला सदस्यको मृत्यु भएको अवस्थामा दाबी भुक्तानी गर्ने सुविधा दिएको हुन्छ। यी योजनाहरू पुरुष ग्राहकको बीमाशुल्क दर भन्दा २० प्रतिशतसम्म सस्तो र गृहणी वा कामकाजी महिलाको गोजीको बचत अनुकूल बीमाशुल्कमा उपलब्ध हुन्छन्। यी योजनाहरूले थोरै बीमाशुल्क दरहरूमा लामो बीमा अवधिको लागि ठूलो जोखिम बहन गर्दछ।
महिला लक्षित म्यादी जीवन योजनाबाट प्राप्त हुने भुक्तानीले बीमितको परिवारलाई उनीहरूको हालको जीवनस्तर कायम राख्न, कुनै पनि ऋण तिर्न, घर बहाल र बच्चाको शिक्षण शुल्क भरणपोषण गर्न, र व्यवसायको लागि कोष वा बच्चाको विवाहको लागि भुक्तानी जस्ता कुनै पनि जीवनभरका लक्ष्यहरू पूरा गर्न मद्दत गर्न सक्छ।
महिलाहरूको लागि अवधि बीमा योजना किन किन्नु पर्छ?
परिवारको लागि वित्तीय स्वतन्त्रता: म्यादी बीमा खरिद गर्नाले तपाईलाई आफ्नो परिवारको आर्थिक स्थिरताको बारेमा चिन्ता नगरी आफ्नो बचत र आम्दानी आफ्नै खर्चको लागि प्रयोग गर्न अनुमति दिन्छ, किनकि परिपक्वता लाभहरू भएको बीमालेखले यसको ख्याल राख्न सक्छ।
ऋणहरू भुक्तानी: महिलाले आफ्नो वा बच्चाको शिक्षा पूरा गर्न विद्यार्थी ऋण, घर बनाउनको लागि गृह ऋण वा व्यवसायको लागि व्यवसायीक ऋण जस्ता केही ऋणहरू लिएको छ र दुर्भाग्यपूर्ण मृत्युको अवस्थामा, बीमितको परिवारले यी ऋणहरूको भार वहन गर्नुपर्ने हुन सक्छ। बीमित महिलाको म्यादी जीवन बीमाले उनको परिवारलाई बाँकी रहेको कुनै पनि ऋण तिर्न र आरामसँग आफ्नो जीवन बिताउन मद्दत गर्न सक्छ।
कर बचतको योजना: धेरै महिलाहरू परिवारको जागिरे सदस्य बन्दै जाँदा, कर योजना महत्त्वपूर्ण छ। आयकर अनुसार, वार्षिक कर योग्य आम्दानीको गणनामा निश्चित रकम छुट दिइएको हुन्छ। साथै, बीमा योजनाबाट मृत्यु लाभ भुक्तानी करमुक्त हुन्छ। यसले महिलाहरूको लागि म्यादी बीमालाई एक आदर्श वित्तीय समाधान बनाउँछ।
भावी पुस्ताका लागि जोहो: सम्पूर्ण जीवन बीमालेखको साथ, ९९-१०० वर्षको उमेरसम्म जोखिम बहन हुने बीमा गर्न सकिन्छ। बीमितको दुर्भाग्यपूर्ण मृत्यु भएमा परिवारले ग्यारेन्टी लाभ प्राप्त गर्नेछ। महिलाको लागि म्यादि जीवन बीमाको प्रारम्भिक खरिदमा, महिलाले आफ्ना भावी पुस्ताको लागि अत्यधिक किफायती बीमाशुल्कमा ठूलो रकम बीमा गर्न सक्छन् ।
महिला लक्षित म्यादी बीमाका विशेषताहरू
परिवारको लागि वित्तीय सुरक्षा: काम गर्ने होस् वा गृहिणी, हरेक महिलाले आफ्नो असामयिक मृत्युको अवस्थामा आफ्नो परिवारलाई सुरक्षित गर्न चाहन्छिन्। यसरी म्यादी जीवन बीमाले उनलाई उनको अनुपस्थितिमा आफ्ना प्रियजनहरूलाई सुरक्षित गर्न मद्दत गर्न सक्छ। बीमा कम्पनीले तपाईको इच्छ्याइएको व्यक्तिलाइ मृत्यु लाभ दिन्छ, जसले उनीहरूलाई जीवन खर्च, बालबालिकाको शिक्षा वा ऋण भुक्तानी जस्ता खर्चहरू बहन गर्न मद्दत गर्न सक्छ।
सस्तो बीमाशुल्क:महिलाहरू पुरुषहरूको तुलनामा कम बीमाशुल्क रकमको लागि योग्य हुन्छन् । उनीहरूको लामो आयु र केही स्वास्थ्य अवस्थाहरूको कम जोखिमको कारणले। महिलाहरूको बीमाशुल्क पुरुषहरूको तुलनामा २० सम्म सस्तो हुन्छ।
शैक्षिक वा बाल हेरचाह कभरेज:केही अवधि योजनाहरूले बीमितको बच्चाको शिक्षा वा बीमितको अप्रत्याशित मृत्युको अवस्थामा केही बाल हेरचाह खर्चहरूको लागि जोखिम बहन गर्ने राइडर(अतिरिक्त सुविधा) समेत प्रदान गरेको छ। यसले बीमित महिलाको बच्चाहरूको भविष्यको आवश्यकताहरूको लागि अतिरिक्त वित्तीय सुरक्षा प्रदान गर्न सक्छ।
गम्भीर रोग विरुद्ध सुरक्षा:महिलाहरूको लागि एक अवधि योजनाले मृगौला विफलता, अन्धोपन, स्ट्रोक, हृदयघात, दीर्घकालीन फोक्सो र कलेजो रोगहरू, मस्तिष्क शल्यक्रिया, र यस्तै अन्य जीवन-जोखिम पार्ने रोगहरू जस्ता धेरै प्रकारका गम्भीर रोगहरू विरुद्ध बढाइएको जोखिम बहन प्राप्त गर्ने विकल्प प्रदान गर्दछ। गम्भीर रोगको साथ बीमा विशिष्ट अवधि अन्तर्गत सूचीबद्ध कुनै पनि रोगको निदानको अवस्थामा, बीमकले उपचार खर्चको लागि रकम भुक्तानी गर्नेछ, जसले बीमितलाई अस्पतालको बिल र अन्य उपचार लागतहरूको बहन गर्न मद्दत गर्न सक्छ।
