काठमाडौं । समाज लघुवित्त र ग्रामिण विकास लघुवित्त वित्तीय संस्थाको शेयर कारोबार रोक्का भएको छ । यी दुई संस्थाहरु एक आपसमा गाभ्ने गाभिने कार्य सम्पन्न भई कात्तिक २ गतेदेखि ग्रामिण विकास लघुवित्त वित्तीय संस्थाको नामबाट एकीकृत कारोबार सुरु गर्ने भएसँगै नेप्सेले दुबै संस्थाको शेयर कारोबार रोक्का गरेको हो ।
धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका, २०७९ बमोजिम उक्त संगठित संस्थाहरुको सेयर कारोबार कात्तिक २ गतेदेखि नै लागू हुनेगरी रोक्का रहने नेप्सेले जनाएको छ ।
