काठमाडौं । नेपाली बजारमा आज सुन–चाँदीको भाउ घटेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १७ सय रुपैयाँले घटेको हो। योसँगै प्रतितोला छापावाल सुन १ लाख ८४ हजार ३ सय रुपैयाँमा कारोबार भइरहेको छ । गत चैत ३१ गते सुनको भाउ १ लाख ८६ हजार रुपैयाँमा कारोबार भइ हालसम्मकै उच्च भएको थियो ।
आज चाँदीको भाउ पनिघटेको छ । आज चाँदी तोलामा १५ रुपैयाँ घटेको छ । यससँगै चाँदी प्रतितोला १९ सय ४५ रुपैयाँमा किनबेच भइरहेको छ । गत चैत ३१ गते चाँदी प्रतितोला १९ सय ६० रुपैयाँमा किनबेच भएको थियो ।
