काठमाडौं । शेयर बजार सोमबार दोहोरो अंकले उकालो लागेको छ। नेप्से परिसूचक २५.५५ अंकले बढेर २५८५.०४ को विन्दुमा उक्लिएको हो।
यो दिन नेप्से उपसमूहमा रहेका १२ वटा समूह बढेका छन् भने एउटा घटेको छ। आज वित्त समूह सर्वाधिक १.६७ प्रतिशत बढ्दा म्युचुअल फन्ड समूह ०.३१ प्रतिशतले घटेको छ।
बजारमा आज २२६ कम्पनीको शेयरभाउ बढ्दा ४७ वटाको घटेको छ। यो दिन २ कम्पनीको शेयरभाउ स्थिर भएको छ।
बजारमा ४ अर्ब ६८ करोड रुपैयाँको कारोबार भएको छ। सर्वाधिक कारोबार एनआरएन इन्फ्रास्ट्रक्चरको भएको छ।
यो दिन इन्फिनिटी लघुवित्तका शेयरधनीहरुले सर्वाधिक कमाएर यो लघुवित्तको शेयरभाउ ६.४३ प्रतिशतले बढेको छ।
यसैगरी आज उपकार लघुवित्तका शेयरधनीहरुले सर्वाधिक गुमाए। यो लघुवित्तको शेयरभाउ ८.२३ प्रतिशतले घटेको छ।
