काठमाडौं । साताको पहिलो कारोबार दिन आइतबार शेयर बजार दोहोरो अंकले ओरालो लागेको छ। नेप्से परिसूचक ११.५३ अंकले घटेर २६५०.११ को विन्दुमा बन्द भएको हो।
यो दिन नेप्से उपसमूहमा रहेका ५ वटा समूह बढ्दा ८ वटा घटेका छन्। सर्वाधिक बढोत्तरी होटल तथा पर्यटनमा ६.५० प्रतिशतको देखिएको छ भने सर्वाधिक गिरावट वित्त समूहमा ३.७२ प्रतिशतको देखिएको छ।
आज बजारमा ८२ कम्पनीको शेयरभाउ बढ्दा १६४ वटाको घटेको छ। बजारमा यो दिन करिब सवा १० अर्ब रुपैयाँको कारोबार भएको छ।
उच्च कारोबार भएका १० कम्पनी
- राधी विद्युतः ६६ करोड १० लाख रुपैयाँ
- ङादी ग्रुप पावरः ६० करोड ६८ लाख रुपैयाँ
- युनिभर्सल पावरः ५४ करोड ६७ लाख रुपैयाँ
- सानिमा माई हाइड्रोपावरः ५३ करोड ३३ लाख रुपैयाँ
- बुटवल पावरः ३२ करोड ५७ लाख रुपैयाँ
- सोल्टी होटलः ३१ करोड १४ लाख रुपैयाँ
- एनआरएन इन्फ्रास्ट्रक्चरः ३० करोड ९८ लाख रुपैयाँ
- अरुणा भ्याली हाइड्रोपावरः २६ करोड ७३ लाख रुपैयाँ
- सिंगटी हाइड्रोः २६ करोड १३ लाख रुपैयाँ
- एचआईडीसीएलः २४ करोड ८३ लाख रुपैयाँ
