काठमाडौं। कृषिप्रधान देश हुँदाहुँदै पनि नेपालमा करिब २ अर्ब रुपैयाँको अंगुर आयात भएको छ।
चालु आर्थिक वर्षको ११ महिना जेठसम्म नेपालले १ अर्ब ८९ करोड रुपैयाँबराबरको अंगुर आयात गरेको हो। नेपालले ११ महिनाको अवधिमा २ करोड २९ लाख केजी अंगुर आयात गरेको देखिन्छ।
नेपालले चीन र भारतबाट अंगुर आयात गरेको देखिन्छ। नेपालमा चीनबाट ८ करोड २५ लाख रुपैयाँबराबरको अंगुर आयात हुँदा भारतबाट १ अर्ब ८१ करोड रुपैयाँबराबरको अंगुर आयात भएको देखिन्छ।
१ अर्ब ८९ करोड रुपैयाँको कुल अंगुर आयातमा ताजा अंगुरको तथ्यांकमात्र रहेको छ। ११ महिनामा सुकाएको अंगुर करिब ३३ करोड रुपैयाँको आयात भएको छ।
