काठमाडौं । सीडीएससी, मर्चेन्ट बैंकर, क्रेडिट रेटिङ र स्टक ब्रोकरले संस्थागत सामाजिक उत्तरदायित्व (सीएसआर)को रकम प्रधानमन्त्री दैवीप्रकोप उद्धार कोषमा योगदान गर्न पाउने भएका छन्।
नेपाल धितोपत्र बोर्डले एक परिपत्र जारी गर्दै ती संस्थाले सीएसआरको रकम उद्धार कोषमा जम्मा गर्न पाउने व्यवस्था गरिदिएको हो। परिपत्रमा उल्लेख भएअनुसार भोटेकोशी नदीमा आएको विनाशकारी बाढीबाट प्रभावितको उद्धार तथा राहतका लागि ती संस्थाले जम्मा गर्ने रकम सीएसआर मानिनेछ।
यसअघि यस्तो व्यवस्था रहेको थिएन।
