काठमाडौं । आज शेयर बजार नेप्से परिसूचक भारी अंकले बढेर बन्द भएको छ । आज नेप्से परिसूचक १११ अंकले बढेर २,६२३ को विन्दुमा कायम भएको छ । आज २२४ कम्पनीको शेयर मूल्य बढेको छ भने २८ कम्पनीको मात्रै शेयर मूल्य घटेको छ ।
आज ९ अर्ब १७ करोड माथिको शेयर कारोबार हुँदा सबैभन्दा धेरै नेपाल पुनर्बीमा कम्पनीको शेयर कारोबार भएको छ । आज यस कम्पनकिो ८३ करोड १३ लाख रुपैयाँको शेयर कारोबार भएको छ । हिमालयन रिइन्स्योरेन्सको ४८ करोड २६ लाख रुपैयाँको शेयर कारोबार भएको छ । गार्डियन माइक्रो लाइफको ३० करोड ४८ लाख रुपैयाँको शेयर कारोबार भएको छ ।
