काठमाडौं । सरकारले गोविन्दबहादुर कार्कीलाई मुख्यसचिवमा नियुक्त गरेको छ।
सिंहदरबारमा बुधबार बसेको मन्त्रिपरिषद् बैठकले कार्कीलाई मुख्यसचिवमा नियुक्त गर्ने निर्णय गरेको हो। यसअघि कार्की प्रधानमन्त्री तथा मन्त्रिपरिषद कार्यालयका सचिव थिए।
सरकारका प्रवक्ता सस्मित पोखरेलका अनुसार मन्त्रिपरिषदको बैठकले काठमाडौं उपत्यका विकास प्राधिकरणको विकास आयुक्त पदमा सुरज शाक्यलाई नियुक्त गरेको छ।
त्यस्तै गेटा अस्पताल कैलालीलाई सहिद दशरथ चन्द स्वास्थ्य विज्ञान विश्वविद्यालयको शिक्षण अस्पतालको रुपमा सञ्चालन गर्न सरकारले स्वीकृति प्रदान गरेको छ। सरकारले विदेशी शैक्षिक कार्यक्रम सञ्चालन र नियमन नियमावली २०८३, स्वीकृत गरेको प्रवक्ता पोखरेलले जानकारी दिए।
