काठमाडौं । वैश्विक लघुबीमा बजारको आकार सन् २०३० सम्ममा साढे ९८ अर्ब डलरको पुग्ने अनुमान गरिएको छ।
मोडर्न इन्टेलिजेन्सको पछिल्लो प्रतिवेदनमा वैश्विक लघुबीमा बजार अबको ५ वर्षमा ९८.५८ अर्ब डलर पुग्ने अनुमान गरिएको हो। यो वृद्धि वार्षिक औसत ५.९७ प्रतिशतको बढोत्तरीका साथ हासिल हुने प्रतिवेदनमा उल्लेख छ।
सन् २०२५ मा वैश्विक लघुबीमा बजार ७३.७६ अर्ब डलर हुने प्रक्षेपण गरिएको छ। मोबाइल मनीको बढ्दो प्रयोग, समावेशी वित्त नियम र वितरण अवरोध कम गर्ने बीमा प्रविधि नवप्रवर्तनले लघुबीमा बजार विस्तारमा टेवा पुर्याइरहेका छन्।
अर्कोतर्फ एसिया प्रशान्त क्षेत्रमा द्रुत गतिमा सबैभन्दा गतिशील बीमा बजारमध्ये एक लघुबीमा बनिरहेको प्रतिवेदनमा उल्लेख छ। यस क्षेत्रको वृद्धि एम्बेडेड, अन–द–गो सुरक्षाको मागद्वारा सञ्चालित हुने सम्भावना छ। जब कि इन्डोनेसियाजस्ता देशमा छिटो स्वीकृति प्रक्रियाले लुघबीमा कम्पनीलाई नयाँ उत्पादन अझ प्रभावकारी रुपमा आविष्कार गर्न र रोल आउट गर्न मद्दत गरिरहेको छ।
