काठमाडौं । एप्पलको फोल्डिङ फोनसँग सम्बन्धित जानकारी विगत केही वर्षदेखि बाहिर आइरहेको छ। तर, हालसम्म कम्पनीले आफ्नो फोल्डिङ फोन लन्च गर्न सकेको छैन भने सामसुङले आफ्नो फोल्डिङ सिरिजका धेरै मोडल सार्वजनिक गरेको छ। अब फेरि एकपटक एप्पलको फोल्डिङ फोनको बारेमा जानकारी आएको छ।
मिडियाा रिपोर्टहरुका अनुसार आइफोन फोल्ड अर्को वर्ष अर्थात् २०२६ मा लन्च हुन सक्छ। कम्पनीले यसलाई आइफोन १८ फोल्ड नाम दिन सक्छ। अनफोल्ड गर्दा यो फोन आइफोन १६ प्रोको स्क्रिनभन्दा धेरै ठूलो हुनेछ। कम्पनीले दुई फोल्डिङ फोनमा काम गरिरहेको छ।
कम्पनीले फोल्डिङ फोन लन्च गर्नेछ, जब कि अर्को अप्सन आईप्याड हुनेछ। यी डिभाइसको स्क्रिनको विवरण पछिल्लो रिपोर्टमा खुलासा गरिएको छ। यसबाट यस्तो देखिन्छ कि कम्पनीले यी फोनमा वास्तवमै काम गरिरहेको छ। डिजिटल च्याट स्टेसनले यसबारे जानकारी सार्वजनिक गरेको छ।
एप्पलको फोल्डिङ आइफोनमा ५.४९ इन्चको डिस्प्ले पाउन सकिन्छ। अनफोल्ड गर्दा यसको साइज ७.७४ इन्च हुनेछ। एप्पलको यो उत्पादन हालसालै लन्च गरिएको पछिल्लो फोल्डिङ फोनको तुलनामा आकारमा अलिकति सानो हुनेछ। आइफोन १६ प्रो म्याक्समा ६.९ इन्चको डिस्प्ले रहेको छ।
यो पहिलोपटक होइन जब एप्पलको फोल्डिङ फोनका बारेमा जानकारी बाहिर आएको हो। यसअघि कम्पनीले बाहिरबाट खुल्ने फोनमा काम गरिरहेको खबर आएको थियो तर पछि यो ब्रान्डले बजारका अन्य फोनहरु जस्तै भित्रीतिर खुल्ने फोनमा काम गरिरहेको छ।
यदि रिपोर्टहरु विश्वास गर्ने हो भने एप्पलले यो स्मार्टफोन अर्को वर्ष वा सन् २०२७ मा लन्च गर्न सक्छ। फोनको स्पेसिफिकेसनका बारेमा धेरै जानकारी छैन। यो एप्पल फोनमा प्रयोगकर्ताले नवीनतम प्रोसेसरसहित एप्पल इन्टेलिजेन्ससहित अन्य धेरै फिचर पाउनेछन्।
