काठमाडौं । स्वाभिमान लघुवित्त वित्तीय संस्था लिमिटेडको बोनश शेयर शेयरधनीको हितग्राही खातामा जम्मा भएको छ । कम्पनीले एक सूचना जारी गर्दै गत वैशाख १९ गते सम्पन्न साधारणसभाले पारित गरेको बोनस शेयर सम्बन्धित शेयरधनीको डिम्याट खातामा जम्मा भएको जनाएको छ ।
गत वैशाख १९ गते सम्पन्न आठौं वार्षिक साधारणसभाले शेयरधनीलाई चुक्ता पूँजीको ५ प्रतिशत बोनस शेयर वितरण गर्ने प्रस्ताव पारित गरेको थियो। सो बोनश शेयर डिम्याट खातामा जम्मा भएको छ ।
संस्थाले लाभांश वितरणका लागि गत वैशाख ११ गते कम्पनीले बुक क्लोज गरेको हुनाले वैशाख १० गतेसम्म नेप्सेमा कायम शेयरधनीको डिम्याट खातामा साउन १६ गतेबाट बोनस शेयर जम्मा गरेको संस्थाले जनाएको छ ।
