काठमाडौं । नेशनल इन्स्योरेन्स कम्पनीले गत अर्थिक बर्षको चौथौ त्रैमासको वित्तीय विवरण सार्वजनिक गरेको छ । चौथो त्रैमाससम्मको अवधिमा कम्पनीले ४२ करोड ९७ लाख रुपैयाँ खुद बीमा शुल्क आर्जन गरेको छ । गत बर्षको सोहि अवधिमा कम्पनीले ६७ करोड ७० लाख रुपैयाँ खुद बीमा शुल्क आर्जन गरेको थियो । अघिल्लो बर्षको तुलनामा कम्पनीको खुद बीमाशुल्क आर्जन ३६ प्रतिशतले कमी हो।
त्यस्तै कम्पनीले असार मसान्तसम्ममा २० करोड ३५ लाख रूपैयाँ खुद नाफा आर्जन गर्न सफल भएको छ । गत वर्षको सोहि अवधीमा कम्पनीले १७ करोड २१ लाख रुपैयाँ खुद नाफा आर्जन गरेको थियो । गत बर्षको तुलनामा कम्पनीको खुद नाफा १८ प्रतिशतले बढेको हो ।
कम्पनीको पुनर्बीमा कमीशन आय र लगानी कर्जा तथा अन्यबाट आय बढेको छ । कम्पनीको जगेडा कोषमा ३८ करोड २५ लाख रुपैयाँ रहेको छ भने बीमा कोषमा एक अर्ब ९ करोड ४५ लाख रुपैयाँ छ।
