काठमाडौं । गण्डकी विकास बैंकलाई प्राप्ती गरेको मेगा बैंकले असार २१ गतेदेखि एकिकृत कारोबार शुरु गर्ने भएको छ। दुवै बैंकले एकीकृत कारोबारका लागि नेपाल राष्ट्र बैंकबाट असार १० गते र कम्पनी रजिष्ट्रार कार्यालयले असार १४ गते अन्तिम स्वीकृति पाएका थिए ।
मेगा बैंकले गण्डकीलाई एक बराबर एक शेयर स्वाप रेसियोमा एक्वायर गरेको हो। हाल मेगाको चुक्ता पूँजी १० अर्ब ३८ करोड छ । यस्तै गण्डकी विकास बैंकको २ अर्ब ७५ करोड छ। मर्जरपछि मेगा बैंकको चुक्ता पूँजी १३ अर्ब १३ करोड नाघ्नेछ।
मेगा बैंक र गण्डकी विकास बैंकको गत जेठ २१ गते सम्पन्न छुट्टाछुट्टै विशेष साधारण सभाले एक आपसमा मर्जर तथा प्राप्तीको विशेष प्रस्ताव पारित गरेको थियो।
