काठमाडौं । एनआईसी एशिया बैंकले चमत्कारिक तथा सुपर चमत्कारिक बचत खाता योजनाअन्तर्गत दुई जना ग्राहहरुलाई बीमा दाबी भुक्तानी गरेको छ । बैंकले दुईजना ग्राहकहरुलाई १५/१५ लाखको दरले ३० लाख रुपैयाँ बीमा दाबी भुक्तानी गरेको हो ।
बैंकले चमत्कारिक बचत खाता ‘डायमण्ड’ श्रेणीमा खाता खोलेका नवलपरासीस्थित भुमईनिवासी दिपक श्रेष्ठलाई क्यान्सर रोगको उपचार खर्च वापत उक्त रकम प्रदान गरेको हो । त्यस्तै, सुपर चमत्कारिक बचत खाता ‘डायमण्ड’ श्रेणीको खाता खोलेका काठमाण्डौस्थित बुढानिलकण्ठनिवासी वसन्तराज कुँवरकी पत्नी पूजा कुँवरलाई क्यान्सर रोगको उपचारबापत बीमा दाबी चुक्तानी रकम प्रदान गरेको हो ।
बैंकले श्रेष्ठलाई शिखर इन्स्योरेन्स मार्फत र कुँवरलाई एभरेष्ट इन्स्योरेन्सको सहकार्यमा उक्त बीमा दावी भुक्तानी रकम प्रदान गरेको बैंकले जनाएको छ ।
