काठमाडौं । किसान माइक्रोफाइनान्सले आफना सम्पूर्ण कर्मचारीहरुको कोरोना बीमा गराएको छ । संस्थाले उक्त बीमा अजोड इन्स्योरेन्स कम्पनी मार्फत गराएको हो । कम्पनीले प्रतिव्यक्ति १ लाख रुपैयाँसम्म सुरक्षण हुने कोरोना बीमा गराएको हो ।
कम्पनीले यस्तो विषम परिस्थितीमा सेवामा निरन्तर रुपमा खटिरहेका कर्मचारीहरुको उच्च मुल्यांकन गर्दै सेवामा थप उत्साह र उच्च मनोबलका साथ हौसला प्रदान गर्न कोरोना बीमा प्रभावकारी औजार रहेकोे कम्पनीले जनाएको छ ।
उक्त बीमालेख कायम रहेको अवधिमा कोरोना बीमा दावीका लागि कोरोना भाइरस (कोभिड–१९) पिसिआर परीक्षण भई संक्रमित भएको प्रमाणित भएमा कर्मचारीले तोकिएको बीमाङ्क रकम बीमीतले पाउने व्यवस्था रहेको छ ।
