काठमाडौं । हिमालयन जनरल इन्स्योरेन्स कम्पनीले २६ औँ वार्षिक साधारणसभाको लागि बोलाएको छ । कम्पनीको असार १ गते बसेको सञ्चालक समितिको बैठकले सभा असार २९ गते गर्ने निर्णय गरेको हो । उक्त सभा कम्पनीको केन्दि«य कार्यालय, थापागाँउ काठमाडौंमा बिहान ११ बजे हुने भएको छ ।
कम्पनीले चुक्तापुँजी १ अर्ब २ करोड ७२ लाख रुपैयाँको ४ प्रतिशतले हुन आउने ४ करोड १० लाख ८८ हजार रुपैयाँ बराबरको बोनस सेयर र ३ दशमलव ७५ प्रतिशतले हुन आउने ३ करोड ८५ लाख २० हजार रुपैयाँबराबरको नगद लाभांश (बोनस सेयर कर प्रयोजनार्थ) वितरण गर्ने प्रस्ताव गरेको छ।
साथै सभामा गत आर्थिक बर्षको वार्षिक प्रतिवेदन स्वीकृत गर्ने, नाफा नोक्सान सम्बन्धी विवरण र आगामी आर्थिक वर्षका लागि लेखापरिक्षकको नियुक्त गर्ने सम्बन्धी छलफल हुने भएको छ ।
