काठमाडौं । नेको इन्स्योरेन्स कम्पनीले कोरोना बीमा गरेका बीमितलाई बीमा दाबी भुक्तानी गरेको छ । उक्त चेक इन्स्योरेन्सका सिईओ अशोक कुमार खड्काले कृषि विकास बैंकका एचआर हेड दिर्घबहादुर अर्याललाई हस्तान्तरण गरेका हुन् ।
कम्पनीले कोरोना संक्रमण पुष्टि भएपछि बीमाबापतको एक लाख रुपैयाँ दाबी भुक्तानी बीमीतलाई हस्तान्तरण गरेको हो । कोरोना बीमा गरेकाहरुले १५ दिनपछि पीसीआर परीक्षण गर्दा संक्रमण पुष्टि भएमा बीमा दाबी भुक्तानी गर्न पाउँने व्यवस्था रहेको छ । सोहीअनुसार उक्त बीमा दाबी भुक्तानी गरिएको नेको इन्स्योरेन्सका सिइओ खड्काले इन्स्योरेन्स खबरलाइ बताए।
