काठमाडौं । साना किसान लघुवित्त वित्तीय संस्थाले चालु आर्थिक बर्षको तेस्रो त्रैमासको अवधिसम्ममा नाफा बढाएको छ । संस्थाले तेस्रो त्रैमासको अवधिसम्ममा आफनो नाफा २६ प्रतिशतले बढाएर ४३ करोड ५० लाख रुपैयाँ पुराएको छ।
संस्थाले गत बर्षको सोहि अवधिमा ३४ करोड ५९ लाख रुपैयाँ नाफा कमाएको थियो । त्यस्तै संस्थाले चैत मसान्तसम्ममा संचालन नाफा २१ प्रतिशतले बढेर ६५ करोड ७० लाख रुपैयाँ नाफा कमाएको छ। संस्थाको खुद ब्याज आम्दानी २२ प्रतिशतले बढेर ७९ करोड ५० लाख रुपैयाँ पुगेको छ।
संस्थाको खुद ब्याज आम्दानी र संचालन नाफामा आएको सुधारले खुद नाफालाई अघि बढाउन सहयोग पुगेको छ। संस्थाको प्रतिशेयर आम्दानी ५८ रुपैयाँ र प्रतिशेयर नेटवर्थ २८६ रुपैयाँ १० पैसा रहेको छ ।
