काठमाडौं । रिलायबल नेपाल लाइफ इन्स्योरेन्स कम्पनीले कोरोना भाइरस रोकथाम तथा नियन्त्रण कोषमा सहयोग गरेको छ । कम्पनीले उक्त कोषमा सात लाख ५० हजार रुपैयाँ सहयोग गरेको छ ।
कम्पनीले आफ्नो सामाजिक उत्तरदायित्व अन्तर्गत विश्वव्यापी रुपमा फैलिएको महामारी विरुद्धको लडाइमा नेपाल सरकारको कोषमा सात लाख ५० हजार रुपैयाँ सहयोग गरेको जनाइएको छ ।
यस भाइरसबाट त्रसित भइरहेको विश्व समुदाय उच्च जोखिममा रहेको अवस्थामा विषम परिस्थितीमा यस योगदानबाट कोरोना भाइरस विरुद्ध लडनको लागि थप सहयोग हुने विश्वास कम्पनीले लिएको छ ।
