काठमाडौं । लकडाउनको अवधिमा सेवाग्राहीहरुलाई घरघरमा तयारी खाना घरघरमा पुर्याउँदै आएको फुडमाण्डूले फिल्डमा खटिने १९ जना कर्मचारीहरुको सुरक्षाको लागि कोरोना बीमा गरिएको छ । एनएलजी इन्स्योरेन्समार्फत फुडमाण्डुका १९ जना कर्मचारीको बीमा गरिएको हो ।
आईतबारदेखि शुभारम्म गरेको कोरोना भाइरस बीमा योजना फुडमाण्डुले एनएलजी इन्स्योरेन्समार्फत गराएको कम्पनीले जनाएको छ । फुडमाण्डुले प्रतिव्यक्ति १ लाख रुपैयाँको कोरोना भाइरस बीमालेख खरिद गरेको जनाइएको छ । यस बीमालेखले कर्मचारीहरुलाई एक बर्षसम्म सुरक्षण प्रदान गर्दछ । यस सँगै फुडमाण्डु एनएलजी इन्स्योरेन्स पहिलो कर्पोरेट ग्राहक समेत बनेको छ ।
कम्पनीका मार्केटिङ एण्ड सेल्स प्रमुख श्याम मालीले फुड डेलिभरी निकै सावधानीका साथै ग्राहकहरुलाई सेवा दिँदै सबै कर्मचारीको सुरक्षाको लागि बीमा गरिएको बताए ।
